20. Post hec cum (a) rege Francorum Ludovico, sororis sue filio, ad expugnandum quoddam castellum, quod vocatur Domni-Martini,(3) fuisset evocatus, dum more suo fortiter certat in prelio et longius fugat regis adversarios, laboris nimietate defessus, ad lectum portatur, et post triduum ibidem defunctus, ab eodem rege regnique principibus cum magno luctu Atrebatum defertur et in ecclesia sancti Vedasti sepelitur. Quo sepulto, statim rex Balduinum, filium eius adolescentulum necdumque militem factum, cum matre sua vocavit totamque terram paternam ei reddidit et optimatibus Flandrie, ut ei coram se hominium facerent precepit; sicque in Franciam rediit. Quid ergo dicam de Balduino cuius animi etiam in tenera etate fuerit?

21. Recedente rege, optimates suos vocavit, pacem se velle tenere insinuavit, utque inde adiuvarent rogavit, et, si quis eam primus violaret, iusticiam se de eo facturum predixit, nullum tamen eorum pacem iurare coegit. Principes pacem se servaturos promiserunt, sicque soluta est curia, plurimis dicentibus, per talem puerum non facile pacem posse fieri quoniam nullus eum timeret.

22. Post duos fere menses mulier quedam paupercula duas vaccas a quodam raptore sibi ablatas (b) esse comiti conqueritur et ubi raptor maneret ostendit. Ilico iuvenis comes raptorem insequitur eumque comprehensum Brugias ducit. Rogantibus cunctis, ne militem suspendi vel oculos ei erui faceret, neutrum se facturum respondit. Protinus vero vas eneum maximum, quod vulgus lebetem seu caldariam vocat, publice in foro videntibus cunctis in sublime appendi et aqua impleri precepit, igneque magno supposito, dum nimis ferveret aqua, militem illum cum omnibus indumentis suis, etiam gladio accinctum, in caldariam proici fecit, sicque eum in aqua fervente necavit. Tantus timor ilico omnes invasit, ut nullus deinde in tota Flandria aliquid auferre presumpserit.

23. Quadam die ecclesiam sancti Petri Gandensis propter audiendos vesperos ingrediabatur, cum subito quedam paupercula vaccam suam sibi furto ablatam esse conquesta est; quam cum comes dulciter exoraret, ut se expectaret ad ostium donec vesperos audisset, illa vero responderet, pre multitl1dine militum vel principum eum circumstantium sibi ulterius non dandam facultatem ei loquendi, ille protinus extractum pallium suum ei dedit et ut illud sibi usque post vesperos servaret precepit; finitisque vesperis, dum comitem principes circumdantes de aliis negotiis loqui voluissent, ille se nulli responsurum, donec paupercule vacca sua reddita fuisset, iuravit sicque milies ab ea benedictus petitioni eius satisfecit.

24. In villa que dicitur Turholdis (4) singulis annis in festo sancti Iohannis mercatum magnum esse consuevit. Dictum est comiti, quod 10 milites fiducia parentum suorum ab stulissent cuidam negotiatori ad mercatum venieti aliquid de sarcina sua. Protinus comes exiliens eos cepit et in quadam domo reclusit; parentes vero eorum nimis perterriti; et celeriter ad misericordiam venientes comitis, rogabant, ut quantumcumque vellet pecunie vel equorum susciperet, tantummodo ut eos non suspenderet. Comes autem simulans se pre-

Clementia nobilis comitissa, quae ducissa apellata est propter coniugium ducis, quempost mortem prioris sui coniugis Flandrensis comitis Roberti duxit"; scilicet Godefridum 1. ducem Lotharingiae, a. 1120.

1) Ribemont; quem etiam Auctar. Sigiberti Aqiuic. recenset, SS. VI, p. 394.
2) Vendeuil.
3) Dam-martin (depart. Seine et Marne).
4) Thourout, prov.Westflandern.