page 286
(1127) per gradus exiliendo descendit, totumque currendo oppidum circuiens,
universo popule sanatum ostendit. Que res homicidis illis grandem confusionis
nebulam intulit maioremque intulisset, nisi pauper ille potentia illorum
perterritus id publice exiliendo predicare destitisset; magnas enim opes sibi
de redditibus comitis, quibus eos preposuerat contraxerant, adeo ut, cum
paulo ante necem suam comes eis diem audientie apud castrum Casletum
posuisset, ubi se servos eius non esse iudicio optimatum suorum comprobarent,
Bertulfus, eiusdem ecclesie prepositus, Burcardi avunculus, tria milia
militum illuc secum palam adduxerit, ita ut comes, timens ne tumultus aliquis
a tanto populo excitaretur, causam ipsam in diem alium distulerit
30. Corpus ergo comitis cum ibidem sepeliri non posset
-- siquidem domnus Symon episcopus, cuius sororem (1) idem comes coniugem
habuerat, audito tanto scelere, divinum officium in eadem ecclesia ex toto
interdixit --, ad aliam vero ecclesiam illud transferri provinciales nullo
modo patiebantur: prefatus Bertulfus prepositus, quantum poterat se de
morte eius volens excusare, de colunmis marmoreis preciosum illi
sepulchrum in eodem loco cenaculi ubi interfectus fuerat protinus construi
fecit; ibique corpus positum fere 60 diebus iacuit. Tanta vero turbatio
subito in tota Flandria extitit, ut illud quod in Apocalipsi legitur:
Post mille annos solvetur dyabolus" (Apoc., 20, 2), in illa
provincia ad litteram contigisse videretur (2); duobus tercium, ubique
solum invenissent, aut spoliantibus aut capientibus aut etiam
occidentibus, ita ut tunc palam quilibet simplicissimus facile intelligere
posset, quanta vis in uno solo illo principe extitisset, qui tam indomitam
gentem acsi monachos claustrales iugi quiescere coegisset.
31. Principes vero Flandrie et maxime Balduinus (3)
Gandensis, frater Yvonis Nigellensis, qui nunc est comes Suessionensis,
videntes tantam turbationem condicto die in unum conveniunt, pacem inter
se componunt et ne tantum scelus eis in obprobrium vertetur sempiterum, si
remaneret inultum, congregato exercitu, Brugiias tendunt. Cum vero
homocide illi, multis fulti auxiliatoribus cum magna multitudine militum
et peditum contra eos pugnaturi processissent, Balduinus ille, lorica et
galea protectus, altiori voce exclamans Non", inquit, contra
vos, o viri boni, venimus, nec Brugense castrum expugnare quelil1l; sed
iniustam necem domini nostri ulcisci volumus, ne forte dicatur, quod et
nos proditionis eius rei simus sicque semper ulterius proditores
appellemur. Si ergo contra nos pugnare venitis, tanti sceleris vos
participes esse testamini, sicque obprobrium perpetuum incurretis. Quam ob
rem moneo et consulo, ut nobiscum potius sitis et ad confundendos
proditores domini nostri nos adiuvetis." Hiis dictis, populus
vociferando exclamat, iunctusque Balduino, versa vice eos cum quibus
venerat debellat. Protinus illi in fugam vertuntur, et quia aliam evadendi
viam non habebant, in castrum regrediuntur, turrem comitis introeunt, et
in ea conclusi, a Balduino duobus fere mensibus obsidentur.
32 Interea rex Francorum Ludovicus quem de matertera Caroli genitum supra
diximus, tam duro nuntio cognati sui perculsus, Atrebatum venit, et quia
Carolus sine prole obierat, quem vellent habere comitem, a principibus
Flandrie sciscitatur. A nonnullis ipsi regem propinquiorem fore dicebatur, et
quia plures filios habebat, ut uni eorum Flandriam daret, suggerebatur. Sed
rex ut vir prudentissimus considerans, nullum filiorum suorum adhuc esse
duodennem, nec sine magistro qui ei iugiter adhereret, tam indomitam posse
regere gentem, se vero non semper ei posse adesse presentem, timens ne
aliquid exinde mali eis contingeret (b), altiori consilio refugit aliquem ex
eis terre preficere.
33. Erat tunc quidam Balduinnus comes Montensis, quantum
sua etas patiebatur satis strenuus armis, cuius atavus fuerat ille
Balduinus constructor cenobii Hasnoniensis, qui, ut supra dictum est (4),
Richeldem comitissam Montensem coniugem ducens, utrumque comitatum
tenuerat, Flandrensem scilicet et Montensem, quique de eadem Richelde duos
filios genuit, Ernulfum, qui patri succedens a patruo suo Roberto Casleti
est occisus, et Balduinum, qui cum matre sua Montensem comitatum tenuit,
unoque filio nomine Baiduino genito, Ierusolimitanum iter cum aliis
principibus in principio expetiit unde necdum rediit, et utrum occisus an
captus fuerit, usque hodie sciri nequivit. Filius vero eius Balduinus cum
comes
a) proel. corr. excl. c.
b) contigeret c.
1) Margaretam uterinam ex alio patre natam, scilicet Rainaldo Claromont.
DACH.
2) Cf. locum ex Vit. Hugonis Marchian. c. 12, supra p. 269, n. exscriptum.
3) Balduinus III. cognomento Luscus et Barbatus. DACH.
4) c. 12.
|